Për një vit plot dritë, për një realitet magjik!

nga StudioLuce by Abiesse

Drita mbart një kuptim kaq të thellë, të plotë, ka shtjelluar mendimet e filozofëve, artistëve, poetëve, arkitektëve, shkencëtarëve, inxhinierëve e të shumë e shumë profesionistëve të tjerë.

Në saj të driës njeriu arrin të përjetojë reaitetin dhe të interpretojë bukurinë e këtij realiteti, me sytë e tij, duke na dhënë lirinë të jetojmë duke vlerësuar madhështinë e këtij realiteti, pa e kufizuar jetesën te lufta për mbijetesë. Drita bën elemente të realitetit të perditshëm të duken tërësisht magjik. Me pak fjalë, ndryshon gjithcka!

Në këtë reflektim në fillimin e vitit, do të donim të ndaleshim më tepër te kuptimi që drita i jep realitetit tonë me prezencën e saj, se sa me forcën që merr ky kuptim nëpërmjet mungesës.

Shumë artistë e dizenjues kanë zhvilluar filozofinë e tyre mbi dritën, por sot do të ndalemi te filozofia e Studio Formafantasma, për të cilët drita padyshim është e rëndësishme në disa aspekte.

Është drita funksionale, e cila i referohet aparatit të ndriçimit i nevojshëm për të përdorur një hapësirë, por edhe drita emocionale, ngjyrimi që i jep botës që ndriçon. Kështu drita e ftohtë përdoret me tepër në ambiente pune, e jo në banesa.

Për Studio Formafantasma, drita ka aftësinë të shërbejë si filtër për cilësinë e jetesës së njerëzve, dhe kjo është edhe arsyeja që Formafantasma është përkushtuar në dizenjimin e ndriçuesve si WireRing, ku mbizotëron forca e butë e dizenjos, një ndriçues me shumë impakt, i cili nuk shfaqet i tillë fizikisht.

Studio Formafantasma, krijoi një dritë unike që luhatet midis një ndriçuesi mural dhe një ndriçuesi dyshemeje. Wirering ka një dizajn minimalist, pa asnjë ornament, me një unazë drite që mbahet fort pas murit nga një kabllo elektrike e posaçme prej gome. Pasi montohet, ndriçuesi shndërrohet në burim drite ndërsa merr trajten e një skulpture arkitekturore.

Dhe është Flos, kompania që ka bërë të mundur të sjellë te ne një ndriçues të përsosur që mishëron të gjjithë filozofinë e ndriçimit të hapësirave të Formafantasma, nën petkun e forcës së heshtur të dizajnit.

Studio Luce by Abiesse, sjell në një light gallery prej 700 m2, filozofinë mbi dritën të trajtuar nga dizenjuesit me famë botërore, në ndriçues që janë vepra të mirfillta arti.

Ndriçuesit Wire Ring, dhe Wireline të dizenjuar nga Studio Formafantasma i gjeni vetëm te Studio Luce by Abiesse.