- prev
- next
GROW, vepra e fundit e artit nga Daan Roosegaarde është një homazh për bukurinë e agrikulturës. Në premierën e filmit botëror, GROW shfaqet si një peizazh i ndritshëm me valë drite të kuqe dhe blu mbi një fushë të madhe. GROW është frymëzuar nga "receta shkencore të dritës" të cilat përmirësojnë rritjen dhe qëndrueshmërinë e bimëve.
Shumicën e kohës vështirë se vërejmë zona të mëdha toke të cilat na ushqejnë - fjalë për fjalë. GROW nënvizon rëndësinë e inovacionit në sistemin e bujqësisë: Si mund të ndihmojë projekti me dritë të përparuar që bimët të rriten më të qëndrueshme? Si mund ta bëjmë fermerin hero?
GROW konsiston në një dizajn të bazuar në një recetë drite, e cila shkëlqen vertikalisht nëpër 20,000m2 tokë bujqësore të mbjellur me presh. Një vepër arti e cila përjetohet sikur po ecën midis “dritave që vallëzojnë” në të gjithë fushën e madhe bujqësore. Drita është poetike dhe e frymëzuar nga teknologjitë e shkencës së dritës fotobiologjike të cilat kanë treguar se receta të caktuara të dritës blu, të kuqe dhe ultravjollcë mund të nxisin rritjen e bimëve dhe të zvogëlojnë përdorimin e pesticideve deri në 50%.
Filmi GROW tregon zhvillimin e këtij peizazhi ndriçues dhe sesi bukuria e dritës mund të ndihmojë bimët. Ky projekt është gjithashtu një thirrje për ndriçim gjatë këtyre kohërave të errëta. GROW, jo vetëm që mund të jetë i mirë për natyrën, por gjithashtu përcjell dritë shpresëdhënëse tek njerëzit. Ai i jep një kuptim të ri fjalës ‘agro-kulturë’ duke riformuluar peizazhin si një vepër arti kulturore të gjallë.
Daan Roosegaarde thotë se "GROW është peizazhi i ëndrrave që tregon bukurinë e dritës dhe qëndrueshmërinë. Jo si utopi por si protopi, duke u përmirësuar hap pas hapi."
Source: studioroosegaarde.net