DREJTUES STUDIO

MetroPOLIS Sh.p.k  – Studio Arkitekture, Dizajni Urban dhe Planifikimi

MetroPOLIS është një studio shqiptare, me seli në Tiranë, pjesë e Institutit Kërkimor të Universitetit POLIS. Është aktive prej vitit 2007, e specializuar në projektim arkitektonik, dizajn urban dhe planifikim. Ndër aktivitetet e MetroPOLIS shënojmë, projekte dizajni të zbatuara dhe projekte të kërkimit të aplikuar si njësi kërkimore e universitetit.

Studio ka në strukturën e saj një ekip projektuesish për zhvillimin e aktivitetit të saj. Për koordinimin dhe manaxhimin e përgjithshëm të studios, MetroPOLIS shpall të hapur një vend pune në pozicionin e Drejtuesit të Studios.

Detyrat dhe Përgjegjësitë:

·         Drejton punën e njësive të Zyrës. Shpërndan detyrat dhe përgjegjësitë për stafin dhe mbledh raportet e realizimit të tyre.

·         Udhëheq procesin për hartimin e detyrës së projektimit nëpërmjet Njësisë së Arkitekturës, në funksion të kërkesave sipas projekteve të Studios.

·         Pjesëmarrje në studimet e fizibilitetit për plane të mundshme zhvillimi.

·         Angazhim në rritjen e portfolios së zyrës dhe mundësive e projekteve të reja në treg.

·         Koordinon dhe delegon përgatitjen e projektit nga faza e projekt idesë deri në finalizimin e projektit të zbatimit.

·         Ndjek procesin e dorëzimit të projekteve dhe procesin e protokollimit të informacionit.

·         Organizon dhe kontrollon procesin e përgatitjes së dosjeve për miratimin e lejes së ndërtimit dhe atë të shfrytëzimit.

·         Menaxhimi i marrëdhënieve kontraktuale me studiot e tjera të projektimit/ zbatimit

·         Studim tregu paraprakisht në lidhje me tarifat e projektimit.

·         Mbikëqyr zbatimin e detyrës së projektimit dhe termave të kontratës

·         Mbikëqyrur afatet e dorëzimit të projekteve sipas fazave, projekt ide, projekt zhvillim, projekt zbatim.

·         Përgatit analiza dhe konsulencë të nevojshme ndaj invenstitorit, në lidhje me alternativat e reja që përfshin disiplinën e arkitekturës, punimet civile dhe teknologjitë e reja të ndërtimit.

·         Drejton strukturën organizative të zyrës:

·         Përcakton nevojat për staf teknik, organizon punën dhe miraton detyrat në koordinim me Drejtuesit Teknik të Studios.

·         Drejton dhe kontrollon zbatimin e detyrave.

Funksione Operacionale

·         Studion dhe njihet me Projektin e Zhvilluar dhe specifikimet e tij.

·         Analizon ofertat për përputhshmëri me projektin dhe kërkesat e tij.

·         Studion dhe përgatit / modifikon pjesë teknike të kontratave me nënkontraktorët.

·         Programon proceset e projektimit, bazuar në planin kohor të përgjithshëm.

·         Mbikëqyr cilësinë dhe afatet e përgatitjes së projekteve.

·         Përgatit analiza tekniko-ekonomike sipas kërkesave të kompanisë.

·         Angazhohet në proceset e tenderimit për të thithur punë të reja për zyrën.

·         Raporton në çdo muaj për veprimtarinë e zyrës.

Kualifikimet dhe Aftësitë:

·         Të zotërojë diplomë universitare në Arkitekturë /Inxhinieri/ Planifikim Urban/ MBA.

·         Aftësi për të sygjeruar zgjidhje dhe për të marrë vendime

Aftësi për të koordinuar punën dhe projektet përkatëse
Aftësi për të punuar në skuadër.
Aftësi drejtuese, koordinuese, organizuese.
Njohje shumë e mirë e gjuhës angleze, gjuhë të tjera të huaja do të ishin avantazh.
Eksperienca Profesionale:

·         Së paku 5 vjet eksperiencë profesionale të lidhur me fushën e arkitekturës, inxhinierisë, planifikimit, apo fusha të tjera të ngjashme me këto dhe në pozicione të ngjashme.

Procedura e Aplikimit:

Për të aplikuar për këtë pozicion dërgoni si më poshtë vijon:

-          CV të përditësuar

-          Letër motivimi ku shkurtimisht shpreh interesin për t’u bashkuar ekipit,

-          Një kopje të diplomave/ Liçensave të skanuara/ Kualifikimeve

-          Portfolio të punëve

Aplikimet janë të hapura deri më datën 30 Qershor 2021, ora 11:00.

MetroPOLIS është punëdhënës me të drejta e mundësi të barabarta dhe inkurajon të aplikojnë të gjithë ata që plotësojnë specifikimet e punës për këtë pozicion si më sipërshkruar.

Vetëm kandidatët e përzgjedhur do të kontaktohen për fazën e intervistës.

Aplikimet mund të dërgohen në adresën: [email protected]

Të  gjitha  aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.