Mimoza

Mimoza Bar është një hapësirë prej 70 metra katrorë e vendosur në rrugën "Kont Urani". Emri i tij vjen nga rruga që të çon tek Bari, e njohur ndryshe si rruga "Mimoza" për shkak të pemëve të Mimosës që lulëzojnë në pranverë, dhe që gjithashtu frymëzon dizajnin e brendshëm të tij. Hapësira e shërbimit është e organizuar brenda dhe jashtë. Propozuam një brendësi dinamike, por të ngrohtë, të ofruar përmes përdorimit të ngjyrave që bëjnë kontrast, më dominuese janë jeshilja dhe e verdha, tonalitete të ngrohta, dhe një kombinim të mureve suva dhe tulla. Hapësira e banakut të Mimozës është projektuar me një përdorim fleksibël në mendje, çka do të thotë që është e pajisur për përdorim gjatë ditës si një kafeteri, por gjithashtu edhe për koktejlet gjatë natës, duke e bërë funksional në të gjitha orët e ditës.