Vila NIA

Koncepti dhe ideja për projektimin e kësaj vile luksoze ishte krijimi i një dizajni unik bashkëkohor për të plotësuar kërkesat e veçanta të një çifti të ri, që me projektin e realizuar, vila do të mbizotërojë në qytet dhe rrethinë me materiale po ashtu bashkëkohore dhe linja të pastra arkitektonike.

Vila NIA e gjendur në një vendodhje mjaft komplekse, mes banimit individual dhe shtëpive tipike kosovare ka bërë diferencën si pozicion në hapësirën e banesave duke u ngritur si tempull i kohës moderne me stilin që përmban në vetvete një arkitekturë bashkëkohore e bazuar në thjeshtësi dhe elegancë, me një stil unik të përfaqësimit të vlerave të dizajnit të eksterierit dhe interierit, duke u fokusuar në ngjyra të zgjedhura, hapësira dhe forma të drejta, për të ofruar një përjetim sa më të afërt mes njeriut dhe materialeve të shtëpisë.

Hapjet dhe ndriçimi natyral në galeri dhe dhoma të tjera që lidhin ambientin e jashtëm me atë të brendshëm janë menduar që secila hapësirë të ketë pamje të drejtuar nga pishina dhe oborri që janë projektuar me kujdes duke e shfaqur këtë pastërti edhe në verandë e cila thekson stilin për të cilin është nisur koncepti, materiale unike dhe stil bashkëkohor i jetesës.