Studio dhe atelieja e IO P arkitektë

Ndërtesa dikur një shtëpi e vjetër në qendër të Tiranës me një ndërtim të lartë rreth saj, iu nënshtrua një rinovimi të plotë duke u shndërruar në një studio pune por me atmosferë shtëpie. Oborri në qendër u ruajt me kujdes për të krijuar një sens hapje ndaj hapësirave rreth e rrotull tij. Me fushëpamje diagonale ai i lidh dhe u jep formë të gjitha shtresave që nga podrumi ku ndodhet atelieja, te kati sipër i studios bashkë me hapësirën sociale përballe. Gjithashtu oborri është ai që me anë të disniveleve që i janë projektuar krijon ndjesinë e një tranzicioni të lehtë dhe të vazhdueshëm duke të zhvendosur në hapësirë gati me një lloj ritmi. Pemët e larta të mandarinave dhe portokalleve e fshehin nga pallatet e larta që ngrihen sipër tij duke i ofruar privatësi dhe intimitet një “Vilë Urbane” në zemër të qytetit.