Hill House

Rinovimi i shtëpisë “Hill House” është një përsosje e shkëlqyeshme midis stilit bashkëkohor, funksionalitetit dhe pamjeve piktoreske qe ofron natyra përreth.
Ambient tërheqës, i cili reflekton kujdesin dhe vizionin për një jetë të re në një mjedis të përmirësuar.

Zona e ditës si dhe hapësirat tjera janë mobiluar me kujdes për të përdorur hapsirën në mënyrë sa më efikase. Mobiljet janë moderne dhe minimaliste duke përdorur tone të tokës për të shtuar një ndjesi të pastër dhe të sofistikuar.

Në pjesën ballore të zonës së dites është i vendosur kamini ku të intreguar ka edhe një pjesë të bibliotekës së shtëpisë. Hapësira e kthjelluar e oxhakut është e veshur me pllaka me teksturë natyrale, duke i dhënë një ndjesi autentike dhe duke krijuar një union të bukur mes ambientit dhe materialeve.

Në harmoni me shtëpinë është dizajnuar edhe kuzhina. Gërshetimi i ngjyrave dhe i materialeve bënë që kjo hapësirë të jetë jo vetëm estetike, por edhe e lehtë për t'u përdorur në jetën e përditshme.

Vaska e përdorur e koleksionit “APP” me linjat e buta dhe të pastërta, padyshim që shton një prekje të butë dhe elegante në ambientin e banjos kryesore. Forma dhe materialet e përdorura në vaskë përshtaten mirë me pllakat nga koleksioni "Sensi" e cila mishëron përvojën e prekjes së tokës dhe të interpretimit të mineraleve.

Ky interier shfaq një mjeshtëri të shkëlqyeshme në dizajn, duke e bërë këtë shtëpi një vend të jashtëzakonshëm për të jetuar dhe për të shijuar bukurinë e rrethimit natyror.