HC Home

HC Stair është dizajn i një gërshetim në mes të kërkesës së klientit për shkallë sa më të lehta vizualisht, unike e reprezentative dhe idesë sonë që të jenë skulpture pasi pozicionohen në pjesën qendrore të shtëpisë. Përvetësimi i elementeve valore-dekorative nga shkallët tradicionale në njërën anë dhe forma modulare e secilit bazamak (dy module të replikuara) krijon një spirale bashkëkohore-parametrike e cila të tërheq në qendër pastaj të drejton nëpër pjesë të ndryshme të shtëpisë.

Fuqia elementeve të shkallëve është aq e madhe sa reflekton edhe në dizajnin e mobiljeve dhe hapësirave të shtëpisë duke i dhënë asaj identitet. E  kuqja tërheqëse e saj dhe e gjelbërta e gjallërisë së oborrit krijojnë një mishërim ndërmjet brenda-jashtë. Ndërsa, balancimi i këtyre ngjyrave komplementare krijohet përmes nuancave të ndërmjetme të ngjyrave dhe materialeve.

Vizualizimet: Bardhyl Morina