Endodontic Dental Studio

EDS është gjithçka tjetër përveç një studio tipike dentare, ku dominojnë ngjyra të theksuara si e kuqja dhe e zeza dhe materiale kontradikore si epoksi e druri ‘bung’, që si rezultat krijojnë shpërqendrime vizuale për pacientët dhe u ofrojnë atyre një hapësirë relaksuese, të këndshme dhe plot jetë, në kontrast me hapësirat e zakonshme të një klinike dentare me ngjyra neutrale dhe materiale të njëtrajtshme.

Endodontic Dental Studio gjendet në Rrugën B në Prishtinë dhe ka një hapësirë prej 160 m2. Ky interier është dizajnuar në bashkëpunim të ngushtë me pronarët e klinikës të cilët kanë kërkuar që dizajni i klinikës të transformojë trajtimin në një eksperiencë, dhe të ofrojë hapësirë për zbulim dhe shpërqendrim.