Carnival Prishtina Mall

Karnavalet janë festa plot gjallëri që në shikim të parë mund të duken të njëjta kudo, megjithatë, ato ndryshojnë në bazë të vendndodhjes ku mbahen. Ky koncept i karnavaleve ishte frymëzues për dizajnin e dyqaneve të markës Carnival. Ishte e rëndësishme që dizajni ynë të ruante identitetin e tij ndërsa marka zgjerohet në vende të ndryshme. Edhe pse identiteti i lëvizjes së vazhdueshme dhe elementëve të ndryshëm si në një karnaval do të mbetet i njëjtë, është planifikuar që zinxhiri i dyqaneve të ketë zgjedhjen e tij unike të ngjyrave dhe elementeve identifikuese.

Me çdo detyrë të ndërmarrë, zyra jonë synon gjithmonë të krijojë një dizajn të brendshëm që mishëron identitetin e asaj që përfaqëson dhe në të njëjtën kohë promovon punën e artistëve vendas duke i përdorur ato si pjesë e dizajneve tona.

Elementë të tjerë identifikues janë dy ndriçuesit rrotullues shumëngjyrëshe të vendosura në mes të hapësirës të dizajnuara nga stilistja vendase Krenare Rugova.

Një larmi ngjyrash u përdor për të orientuar klientin brenda dyqanit duke filluar nga panelet e xhamit në vitrinë, njësoj siç ndodh në karnavalet ku ngjyrat e ndryshme e bëjnë ambientin tërheqës.

Meqenëse karnavalet zhvillohen jashtë, një pjesë e madhe e konceptit tonë mbështetej në sjelljen e këtyre elementeve të jashtëm brenda për t'i ngjasuar ndjesisë së të qenit në një karnaval. Gira-gira është një platformë rrotulluese e vendosur në shesh lojërash në të cilën fëmijët ulen dhe luajnë. Në modelin tonë, gira-gira u përdorën si elementë qendrorë mbi të cilët mund të ekspozoheshin këpucët, ndërsa skelat përdoreshin si stendat e arkës. Mobilje të tjera, rafte dhe pasqyra, u krijuan me skelet të hollë dhe rrota si mbështetëse për t'i bërë ato lehtësisht të lëvizshme.