BKT Branch Showroom

BKT është bankë e themeluar në vitin 2007 në Kosovë, me gjithsej 27 degë.

Qëllimi ynë gjatë punimit të projektit ka qenë reflektimi i vlerave dhe vizionit të bankës në përjetim të hapësirës. Kjo është arritur me dizajnimin e një hapësire koherente që fokusohet në zonën ekspozuese dhe përcillet me zonën për shërbime dhe hapësirat utilitare të bankës.

Tavolinat për shërbim të klientëve janë të zhvendosura në pjesën anësore duke e vendosur në plan të parë hapësirën e përbashkët, e cila në vetvete përmban pajisje digjitale për vetshërbim të klientëve. Një dhomë private konsultimesh ndodhet në fund të hapësirës së bankës, e ndarë dhe jo e dukshme nga pjesa tjetër.

I gjithë mobilimi minimalist bie në kontrast me muret e trajtuara me panele të kuqe dinamike dhe dyshemenë, që së bashku reflektojnë identitetin e brandit të bankës dhe shërbejnë si hapësirë për ulje dhe pritje. Trajtimi i kujdesshëm i mureve kontribon në arritjen e komforit akustik, derisa pjesa e sipëme shërben si hapësirë utilitare dhe përmban arkivin e filialit të bankës.

Kompozim i tillë arkitektonik krijon një komfort dhe privatësi për klientët si dhe vendos në plan të parë lokacionin e filialit.