VARKA arkitekturë po kërkon të punësojë JUNIOR ARKITEKT/E!
VARKA arkitekturë është një studio arkitekture me bazë në Tiranë/Shqipëri qe ne 2009 e cila operon në fushën e arkitekturës, planifikimit urban dhe kërkimit.
Angazhohet me zhvillimin e koncepteve të fortë dhe vendimeve të dizajnit të informuara rrënjësisht nga hulumtimi përmbajtesor i kontekstit dhe refleksioni se si evolon jetesa bashkëkohore. Përfshirë aktivisht në projektimin e hapësirave publike, të banimi si dhe administrative, VARKA arkitekturë drejtohet nga arkitektë entuziastë dhe bashkepunetorë me eksperiencë që synojnë të implementojnë vizionin e tyre në zhvillime vendase dhe konkurse.
Ne besojmë se të projektuarit kuptimplotë duhet të ketë të bëjë me qasjen kritike të arkitekturës që kërkon stimuj jo vetëm në hapësirën vizuale, por që gjithashtu gjen frymëzimin nga pëlhura sociale, natyra njerëzore, historia dhe kultura lokale si një e tërë.
