Kopshti dhe shkolla fillore 'Demokracia'

Kopshti është një ndërtesë dykatëshe me të cilën ballafaqohemi në hyrje të pronës. Kopshti përbëhet nga një vëllim i thjeshtë kuboid, me dritare që alternojnë nga kati në kat duke imituar një tabelë shahu në mënyrën e tyre të shpërndarjes. Objekti i shkollës ndodhet pranë kopshtit, shtrihet përgjatë pronës dhe është projektuar për një kapacitet prej 500 nxënësish.

Shpërndarja funksionale e planimetrisë mbetet e pandryshuar ndërmjet kateve, me shkallët e vendosura në sallën kryesore të hyrjes dhe një korridor me klasa të vendosura vetëm në njërën anë të tij. Fasada e godinës kryesore ka një arkitekturë të thjeshtë me dritare që shtrihen deri në lartësinë dysheme-tavan në distancë të barabartë nga njëra-tjetra, me hijëzues betoni që shtrihet deri në 50 cm jashtë perimetrit të fasadës.

Ndërtesa e administratës ndjek të njëjtin stil, ndërsa në bibliotekë, auditor dhe palestër kemi ndryshime në trajtimin volumetrik, dhe ndryshime në fasadat për t'iu përshtatur funksioneve që ato përmbajnë dhe për të krijuar momente të dritës që hyn nga të çarat në taracë.

Objekti i shkollës krijon tre oborre të jashtme në shërbim të hapësirave rekreative të shkollës, njëri prej të cilëve është fushë sportive e jashtme dhe një oborr i jashtëm për kopshtin.