- prev
- next
Arkitekti dhe regjisori i lindur në Australi, Liam Young, ka krijuar një film të ri i cili parashtron pyetje thelbësore në lidhje me ndryshimin e klimës, çështjet mjedisore dhe dendësinë me të cilat po merret e gjithë bota.
Titulluar Planet City, një film i ri i porositur nga Galeria Kombëtare e Viktorias për Trienalin NGV, është një grup filmik i një qyteti imagjinar që strehon 10 miliardë njerëz - e gjithë popullsia e tokës në një grumbullim të vetëm gjigand.
Planet City nuk është një distopi apo thjesht një fantazi urbane, ai provokon pyetje se si e gjithë popullsia e tokës mund të jetojë në një qytet hiper të dendur si një mal me zero mbeturina dhe shmangie të dëmtimt të mjedisit, një sistem tipik me qark të mbyllur dhe një shembull i jetesës rrethore.
Planet City mund të ndërtohet në vetëm 0,02 përqind të sipërfaqes së planetit, duke zënë një sipërfaqe "afërsisht sa madhësia e një shteti mesatar amerikan", është shprehur Young në këtë video.
Liam Young e përshkruan veten si "arkitekt spekulativ" ndërsa puna e tij integron fushat e dizajnit trillues, dizajnit kritik dhe të ardhmen. Filmat vizionarë dhe narracionet "spekulative" të Young kanë për qëllim të adresojnë nevojat urgjente të shkencave humane dhe problemeve mjedisore me të cilat po përballet e gjithë bota sot. Young shtron pyetjet e tij me fjalë goditëse dhe krijon sfondin e tij kritik me imazhe të jashtëzakonshme dhe setet e filmave për t'iu drejtuar këtyre pyetjeve urgjente në një mënyrë të paharrueshme.
Sipas Liam Young, "megjithëse Planet City është jashtëzakonisht provokues, filmi shmang fantazinë tekno-utopike të projektimit të një rendi të ri botëror. Ky nuk është një masterplan neo-kolonial për t'u imponuar nga një karrige pushteti e vetme," ka thënë ai. "Është një vepër e arkitekturës kritike - një trillim spekulativ i bazuar në analiza statistikore, kërkime dhe njohuri tradicionale. Pas shekujsh kolonizimi, globalizimi dhe përfitimi të pafund ekonomik, ne e ribëmë botën nga shkalla e qelizës te pllaka tektonike," shtoi Young.
"Po sikur ta përmbysnim rrënjësisht këtë shtrirje planetare? Po sikur të arrinim një konsensus global për t'u tërhequr nga rrjeti ynë i gjerë i qyteteve dhe zinxhirët e furnizimit të ngatërruar në një metropol hiper të dendur që strehon tërë popullsinë e tokës?"
Planet City nuk është një prototip tipik vertikal ose i paracaktuar i një qyteti, imazhet në film tregojnë se njerëzit mund të ngjiten në rezidenca të larta 165-katëshe dhe mund të rrisin ushqimet e tyre në mega-ferma të brendshme dhe pemishte vertikale.
Liqenet e algave mund të ndihmojnë në filtrimin e ndotjes dhe sigurimin e ushqimit shtesë, ndërsa 50 miliardë panele diellore vertikale mund të sigurojnë energji të mjaftueshme që ky qytet i tërë të jetë plotësisht i vetë-qëndrueshëm. Planet City synon të veprojë si një qark i mbyllur në vetvete duke gjeneruar zero mbeturina.
"Planet City është një qytet imagjinar, por del nga ajo që unë e quaj spekulim i bazuar," shton Young. "Ne nuk kemi shpikur ndonjë teknologji nga fantazia jonë, sisteme të reja ose ndonjë material mrekullirash për të ndërtuar qytetin, përkundrazi të gjitha teknologjitë që hyjnë në këtë qytet janë tashmë ekzistuese."
Planet City është ndërtuar tërësisht nga burime të rinovueshme.
"Planet City është ndërtuar tërësisht nga burime të rinovueshme," shton Young. "Asnjë material i ri për të ndërtuar këtë qytet nuk është nxjerrë nga toka. Përkundrazi, ne e menduam sikur ri-minuam qytetet që kemi bërë tashmë dhe i përdorëm ato për të ndërtuar Qytetin Planet."
"Ajo që ne jemi duke u përpjekur të bëjmë është të propozojmë mënyra aspiruese që të mund të jetojmë së bashku më dendur, më qëndrueshëm dhe me një vizion të një të ardhmeje që të gjithë ne mund të mbështetemi."
Filmi prej 3 minutash ndjek një procesion të vazhdueshëm festiv që vallëzon nëpër qytet në një cikël prej 365 ditësh. Në film, çdo ditë ndërlidhet me një karnaval, kulturë dhe festë të ndryshme.
Të gjitha imazhet dhe video © Liam Young
Source: https://worldarchitecture.org/