- prev
- next
Një përshkrim të shkrurtër rreth jush, ku punoni, sa vite eksperiencë keni si dhe fushën e tuaj të ekspertizës: *
Themeluese dhe drejtuese e Mosko Atelie në 2004, pas një eksperience disa vjeçare bashkëpunimi me studio e arkitekturës Akrokeramon dhe M.E.A.S. në Athinë.
Hotel në Shkodër
Pse keni zgjedhur arkitekturën? Cila ka qënë shkëndija që ju drejtoi drej këtij profesioni? *
E dashuroj profesionin e arkitektit. Ndihem me fat dhe e privilegjuar që zgjodha për të studiuar këtë degë sepse përveç të tjerash, ti shpreh vehten. Është ndjesi shumë e bukur t'iu krijosh njerëzve komoditet, ti bësh të lumtur duke i rritur cilësinë e jetës në hapësirat private e publike, është dyfish kënaqësi. Ngacmimet e para i mora që në fëmijëri. Duke qenë dhe vajzë arkitekti, u rrita bashkë me bisedat për arkitekturën, dashurinë për profesionin dhe ndjeshmërinë për të bukurën.
Flagship Center, Durrës
Si e mendoni ju arkitekturën dhe cili është projekti juaj i cili ju përfaqëson më së miri? *
Në perceptimin tim arkitekturën e shoh si një proces ku një ide bëhet realitet nëpëmjet frymëzimit, pasionit, eksperiencës dhe individualitetit. Një kombinim harmonik Art- Shkencë, për plotësimin e nevojave të individit e shoqërisë, nëpëmjet metodave të projektimit dhe materialeve të ndërtimit.
Arkitektura është të bësh jetën e njerzve më natyrale dhe natyrën më njerëzore.
Il Gusto Bistro
Çfarë këshille do i jepje vetes tënde në fillim të karrieres, i vlefshëm edhe për arkitektet e reja ose ato vajza/gra që duan të bëhen arkitekte? *
Arkitektura do pasion, përkushtim, sakrifica dhe besim në idetë tona. Vetëm kështu mund të arrijmë të realizojmë një vepër të vërtetë dhe me vlera.
Qendër Tregtare Ferizaj
