Të dhëna mbi projektin
-
Studio
Nomma Studio
-
Faqja e Studio
-
Tipologjia
Interior Design
-
Statusi
Completed
-
Viti i ndërtimit
2022
-
Photography
Leonit Ibrahimi
Përshkrimi
Autori
Vendndodhja
Prishtina, Kosovo
Angel Academy është një sallon bukurie ku bëhen trajnime, koncepti kryesor ishte krijimi i akademisë për: parukierë, teknikë manikyrësh, teknikë vetullash dhe teknikë grimi. Hapësira ofron funksione si sesione trajnimi dhe seminare, si dhe ka edhe spotin e marketingut.
Një nga qëllimet kryesore ishte zonimi. Hapësira duhej të planifikohej në atë mënyrë që klientët dhe punonjësit të ndiheshin rehat në të njëjtën hapësirë. Nisur nga situata ekzistuese e cila ishte mjaft sfiduese, me dy palë shkallë, me mure të shkatërruara dhe me dritë të pamjaftueshme natyrore, kemi arritur të krijojmë një hapësirë për t'u përdorur në çdo cep, kemi mbajtur shkallët kryesore për lëvizje vertikale ndërsa ato dytësore u mbyllën dhe përdoren për magazinim.
Muret e panevojshme u prishën për ta bërë hapësirën të perceptohet më e madhe. Në këtë projekt, stacioni i punës ishte çelësi. Ai u zhvillua në mënyrë që profesionistët e bukurisë të mund të zhvillonin trajnime për klientët, të gjithë duke zënë sa më pak hapësirë fizike të jetë e mundur, ndërkohë që ende kryenin punën e tyre profesionale.
Ndarja e funksioneve bazohet në katet dhe hapësirën e ndërtesës. Klasat e manikyrit dhe pedikyrit janë të vendosura në katin e parë duke përfshirë tavolina me shumë ndriçim led të projektuar në të dhe hapësirë të veçantë për pedikyr me komoditet të lartë. Gjithashtu zyra ndodhet në atë kat për shkak të hyrjes kryesore, kati i dytë me hapësirë ekstra dhe pa kolona dhe është ideal për hapësirë për klasën e vetullave. Kati i tretë është kati i klasës së grimit, me pasqyra të fiksuara në tavan dhe banak dhe me një ndriçues të madh rrethor që ka të njëjtën shpërndarje për shërbimet. Përveç gjërave të përmendura më sipër gjelbërimi dominon në çdo hapësirë.
Paleta e ngjyrave bazohet në tonet e tokës dhe ngjyrat neutrale që përshkruajnë rëndësinë e figurës femërore. Ngjyrat nude reflektojnë pa prekur ngjyrat e tjera dhe nuk ndikojnë në proçesin e stërvitjes.
Perceptimi i ngjyrave të dyshemesë, tavanit dhe mureve shfaqet ndryshe por në të njëjtat nuanca ku shkrihen me njëra-tjetrën me ndërhyrjen e dritës.
Materialet e brendshme duket sikur rrjedhin nga jashtë për të krijuar një ndjenjë vazhdimësie midis pjesës së brendshme dhe të jashtme. E bërë me materiale natyrale, jo toksike, të karakterizuara nga një stil modern minimalist veçanërisht, panelet të cilat janë bërë prej fletë metalike të lakuar të shpuara të cilat përsëriten për të krijuar një vazhdimësi.
Me një ngjyrë të vivide të nuancave nude, pjesa e poshtme përbëhet nga ekzistenca e një harku që lidhet me fletët metalike dhe tregon hyrjen.