Pse bota ka nevojë për më shumë meme arkitekture?!

Në epokën moderne të konsumizmit dhe lajmeve të rreme të përhapura me shumë shpejtësi, është e lehtë të kuptohet pse ndiejmë nevojën për të shprehur veten përmes memeve - fotografive abstrakte, videove dhe gif-eve që editohen në mënyra të ndryshme për të shprehur mendime për çështje të caktuara ose situata që janë të ngjashme për njerëzit në të gjithë globin. Memet shpesh shpjegojnë ndjenja komplekse por konçize të cilat, në një farë mënyre, ngjajnë shumë me mënyrën se si ne komunikojmë në jetën reale.

Në botën e arkitekturës, komunikimi shpesh përfaqësohet përmes eseve kritike, prezantimeve dhe fotografive mahnitëse dhe gjithashtu diagrameve analitike të vizatuara me dorë ose kompjuter. Në fakt, komunikimi i vetë arkitekturës, siç e dimë, më së shumti ka qenë një përfaqësim i mirëfilltë i vetë disiplinës: Idetë përkthehen në plane, prerje, lartësi, detaje, diagrame formash. Por me rritjen e përdorimit të memeve dhe shprehjeve abstrakte, pse nuk po i popullarizojmë mendimet tona personale me këtë formë të mediave sociale kaq të përhapura?

Më poshtë po ju vendosim dy krahasimet më virale ne internet. Bëhet fjalë për “Dubai Expo 2020” nga Foster+Partners e cila krahasohet me një lodër rrotulluese. Një ndërtesë tjetër është “Karaburma Tower” në Beograd e cila krahasohet me çokollatën e famshme Toblerone.

Ndoshta është koha që ne, si një komunitet i krijuesëve, të hyjmë në shekullin e 21-të, të jemi në përputhje me mënyrën më gjithëpërfshirëse që mund të ndajmë idetë dhe të transformojmë mendimet tona për dizajnin në meme. Nëse memet kanë fuqinë për t'i kthyer skenat e zakonshme nga “SpongeBob SquarePants” në një fillim bisedash në të gjithë botën, atëherë ato lehtë mund të sjellin arkitekturën në një platformë të re ‘aPo MoS pO sHpEnZoJmË kOhËn Më ShUmË sEç DuHeT mE mEmEt’?!