Swiss Line

Swiss Line dhe SPA nga archistudio është një projekt shumë i veçantë dhe i bukur gjithashtu në shumë aspekte…

Duke qenë një arkitekte, por edhe një grua,  ndjeva njëkohësisht përgjegjësi dhe kënaqësi të jashtëzakonshme për të realizuar dzajnin e kësaj qëndre luksoze të trajtimit të fytyrës dhe SPA-së.  Duke evokuar drejtpërdrejt alpet e Zvicrës, produktet Swiss Line janë një nga më të mirat në treg! Dhe gjithçka u qartësua!
Duke sjellë më të mirën e  Zvicrës duke krijuar ndërkohë dizjanin  e duhur për këto produkte luksoze … ky ishte qëllimi!

Zvicër, përkthehet në cilësi e lartë, luks, bukuri, freski dhe klasike!

Ky projekt vjen si një bashkim i shkëlqyeshëm dhe elegant i dy funksioneve të rëndësishme, hapësira e ekspozimit dhe shitjes së produkteve për trajtimin e fytyrës & Spa-ja!

Në hyrje, përballemi direkt me zonën e ekspozimit të produkteve Swiss Line dhe shitjes së tyre, të ndriçuar nga  dritë e butë led, e cila thekson me hijeshi produktet. Përbri, gjendet zona e pritjes, e konceptuar me mobilje moderne dhe elegante. Hyrja përmbyllet me recepsionin i cili ravijëzohet nëpërmjet relievit të bardhë të alpeve `zviceriane në sfond.

Dizajni i përgjithshëm është një kombinim i elementeve moderne dhe luksoze dhe detajeve të zbehta të stilit klasik shumë preciz të përdorur në mure dhe tavan. Të gjitha këto lidhen së bashku nga një ngjyrë e bukur fildishi e përdorur pothuajse në të gjithë SPA-në.

Kjo i jep një ndjenjë të freskisë, rinisë, qetësisë dhe mirëqenies në përgjithësi!

Archistudio i ka dhënë Swiss Line trajta minimale, por me elementë delikatë të klasikes, që nga përsëritja ritmike dhe simetrike e vitrinave, te kornizat me trajtën e flamurit zvicerian të modifikuar, i dukshëm vetëm nën prezencën e dritës si te mobiljet ashtu dhe në dhomat e masazhit dhe deri te tavani i dekoruar.
Metali, bakri, spikat si elementi cili ndërhyn në të gjithë hapësirat për të forcuar kompozimin e një ambjenti bashkëkohor.