NË VËMENDJE: SERGEY MAKHNO

JEMI NË TË NJËJTËN RRUGË – PËR NË SHTËPI.

Sergey Makhno është një  arkitekt dhe dizajner ukrainas, themelues i studios Sergey Makhno Architects, i cili punon në tre drejtime: arkitekturë, dizajn të brendshëm, dizajn produkti. Sergey Makhno është bërë një personalitet kyç në fushën e dizajnit ukrainas gjatë dhjetë viteve të fundit. Kreativiteti, cilësia dhe kërkimi i pafund i ekuilibrit midis artit dhe dizajnit janë një gur themeli i punës së tij dhe përbërësit kryesorë të udhëheqjes së tij.

Me qendër në Kiev dhe me veprimtari në të gjithë botën, që nga viti 2003, Sergey Makhno Architects – Studio e Arkitekturës, Dizajnit dhe Qeramikës në Ukrainë, kanë krijuar projekte që ndërthurin traditat ukrainase, trendet botërore dhe filozofinë japoneze të wabi-sabi, forcat e natyrës, talentin njerëzor dhe mendjen arkitektonike. Detyra e tyre kryesore (arkitektëve, dizajnerëve, inxhinierëve, artistëve) është të ofrojnë rehati që do të bëhet e nevojshme dhe e dashur për klientët. Sergey Makhno respekton natyrën dhe krijojnë projekte në bashkëpunim me të, duke zgjedhur materiale dhe ngjyra natyrale: druri, betoni, bakri, argjila, liri.

Studio e Sergey Makhno është anëtare e Shoqatës së Dizajnimit të Brendshëm Britanik dhe Ndërkombëtar. E vlerësuar me çmime prestigjioze ndërkombëtare, të tilla si: Red Dot Design Award, The International Property Awards, The Architecture Master Prize, IDA Awards, Restaurant & Bar Design.

Produktet Sergey Makhno konsiderohen si wabi-sabi ukrainas, ku përmendim ndriçimin dhe dekorin me porosi, pllaka dhe qilima, mobilje dhe enë gatimi. Shumica e pjesëve prodhohen me dorë në punëtorinë e tyre të qeramikës, në sasi të kufizuara.

SHTËPIA NËNTOKËSORE PLANI B

Sergey Makhno Architects ka parashikuar një shtëpi prej betoni të ndërtuar si një bunker për të duruar “surprizat e pakëndshme” që mund të presin botën post-pandemike. Sidoqoftë, në vend të krijimit të një bunkeri tipikisht të rreptë, studioja parashikoi një strehë komode ku dikush do të donte të jetonte “edhe kur nuk ka apokalips”. Një shtëpi autonome, e cila konkurron me rezidencat tokësore për sa i përket komoditetit dhe pajisjeve. Nga jashtë, Plani B i ngjan hyrjes të një muzeu të artit modern, apo edhe të një baze ushtarake. Ata u përpoqën të krijonin një formë të thjeshtë dhe koncize, e cila në të gjithë perspektivën e saj do të përcillte besueshmëri, por gjithashtu do të ishte tërheqëse estetikisht, nuk do t’ju frikësonte dhe t’ju lejojë të hyni nga toka dhe nga ajri.

FUTAGO

Klientët donin një shtëpi moderne dhe minimaliste që do të bëhej një fazë e re e jetës së tyre pas viteve të të qenit adhurues të klasikëve. Kjo shtëpi është bërë si vazhdim i natyrës dhe anasjelltas – kundërshtimi i saj. Futago është një fletë bosh në të cilën janë integruar betoni, xhami, pasioni dhe fuqia e shpirtit njerëzor. Shtëpia përbëhet nga dy pjesë identike, të ngritura mbi peizazh si vëzhguese të heshtura që ndajnë një rrahje zemre në dy. Futago në japonisht do të thotë “binjakë”. Ky është një atribut për magjepsjen me arkitekturën japoneze në përgjithësi dhe arkitektin Tadao Ando në veçanti.

MANNA

Apartamenti Manna ka lindur si një strehë për qetësinë dhe një fortesë që mbron nga stimujt e jashtëm. E qetë në thelbin e saj, Manna do t’i përqafojë pronarët e saj me paqe dhe butësi. Klienti dëshironte të ishte krenar për shtëpinë e tij dhe stili bashkëkohor ukrainas ka të bëjë me të. Çfarë duhet të bëni është të ndiqni recetën: pak minimalizëm esencial, pak aromë wabi-sabi, disa pika arti dhe lugë të plota të materialeve natyrore. Shërbejeni me një shpirt të fuqishëm familjar dhe shijoni çdo pjesë. Hijet e mureve kapuçino hidhen në një kanavacë të lëmuar. Druri konkurron me qeramikën, duke krijuar një aleancë që do të kapë zemrat me një butësi të jashtëzakonshme.

SHTËPIA ROSE

Rose është një shtëpi pushimi malore, e bërë prej betoni, çeliku, xhami dhe uji. Për shkak të një siluete të pastër, ndërtesa prej 160 metra katrorë duket e thjeshtë, por përmban një bollëk elementesh të sofistikuar. Emri ‘Rose’ erdhi nga muret e kuqe të lulëzuara. Në mënyrë që të ujitet një lule betoni, arkitekti krijoi një pishinë artificiale, e kufizuar me një tarracë nga njëra anë. Pjesa e jashtme e ndërtesës e veshur me çelik duket private dhe e zhytur plotësisht në natyrën e egër, ndërsa pjesa e brendshme e saj është komplet e kundërta – e hapur dhe e brishtë për shkak të dritareve me lartësi nga dyshemeja në tavan. Forma e saj është projektuar si një hapësirë që rrjedh lirisht në zona funksionale transformuese.

SHTËPIA RIDNYI

U deshën 11 vjet për të ndërtuar Ridnyi House. Studioja ka punuar për të për 6 vjet. Pa nxitim, me maturi, duke marrë parasysh çdo detaj. Në fillim, pronarët donin një rezidencë klasike familjare me harqe. Por gjatë tre viteve të para të punës së bashku në këtë projekt, angazhimi i tyre ndaj klasikëve u dobësua dhe ranë dakord për beton, metal dhe shumë dru. Si rezultat, pjesa e brendshme e ndërtesës trekatëshe u projektua në një stil bashkëkohor ukrainas, duke kombinuar filozofinë japoneze wabi-sabi dhe traditat ukrainase. Brendësia plotësohet me detajet qeramike nga Sergey Makhno Architects: Khmara, Parasolka, llambat Conus dhe vazot.

FUJIWARA YOSHI

Fujiwara Yoshi  është një labirint 800 metra katrorë i projektuar për t’u përhumbur në madhështinë e kulturës japoneze. Shikimet tuaja do të joshen nga detajet në këtë restorant japonez me shpirt ukrainas. Është një labirint që nuk dëshiron ta lësh. Këtu, estetika vallëzon  me funksionalitetin, tubat bëhen llampa, lule rriten në tavan dhe myshk nga pllakat.

‘Ky projekt është i veçantë për mua. Japonia është vendi im i fuqisë. Unë dashurohem me këtë vend sa herë që shkoj atje. Dhe gjithmonë e dua më shumë. Prandaj, isha i lumtur të vendosja një pjesë të dashurisë time në zemër të Ukrainës. Detyra jonë kryesore ishte të komunikonim filozofinë japoneze, jo të bënim ‘zhurmë’ me disa klishe. Dizajni i restorantit është komoditet i diktuar nga Japonia, por lexohet me shpirtin ukrainas’ – thotë Sergey Makhno për Fujiwara Yoshi.

KHMARA

Studioja e produkteve Sergey Makhno e bën secilën dritë tavani të punuar me dorë në punëtorinë e qeramikës. Seria e ndriçuesve Khmara merr frymëzim nga qielli me re dhe ofron një zgjidhje ndriçimi më kreative për ambientet e brendshme moderne. Në të njëjtën kohë, dizajni i tyre synon të krijojë një ndjenjë mrekullie dhe një ndjenjë të ngjashme me ëndrrën. Organik dhe të veçantë, ndriçuesit tavanor kanë forma të lakuara dhe silueta të çrregullta që imitojnë format e një reje. Ekipi ofron një sërë opsionesh të personalizimit për serinë e ndriçuesve Khmara. Përveç madhësisë, klientët mund të zgjedhin edhe ngjyrën dhe materialin. Në varësi të tavanit, ndriçuesit vijnë në qeramikë ose në shkumë poliuretani.