Identifikohu ose Regjistrohu
0
Publikoni
    • Kreu
    • Projekte
    • Profesionistë
    • Produkte
    • Kompanitë
    • Punësim
    • Blog
    • English
    Publikoni

    5 NDËRTESA TË REALIZUARA NË EMËR TË DASHURISË

    • Permbajtja
    • prev
    • next
    • prev
    • next

    Çfarë do të bënit për dashurinë? Disa mund të mendojnë një tufë lulesh me trëndafila ose një varëse me perla. Por jo ata romantikë që adhurojnë arkitekturën, të cilët kanë tejkaluar kufijtë për të surprizuar të dashurën e tyre, duke ndërtuar pallate ekstravagante, që nga Malajzia deri në Shqipëri, si një gjest madhështor. Të dizajnuara si simbole të dashurisë së pakushtëzuar, këto ndërtesa mbresëlënëse në të gjithë botën mbartin histori jashtëzakonisht romantike.

    Kalaja e Porto Palermos

    Kalaja e Porto Palermos ose siç njihet ndryshe edhe si Kalaja e Vasiliqisë, ndodhet në gjirin me të njëjtin emër në bregun e detit Jon në Shqipërinë e jugut, mbi një ishull rreth 30 m larg bregut. Kalaja e Porto Palermos është një nga sarajet e shumta të Ali Pashë Tepelenës, të cilën ai i’a dhuroi njërës prej grave të tij, Vasiliqisë, të cilën, sipas kronikanëve të kohës, Pashai i Janinës e kishte shumë për zemër. Ndonëse thuhet se ajo u ngrit si një dhuratë, buzë detit, për të shoqen e Pashait, Vasiliqinë, kalaja në formë trekëndore daton të jetë më e vjetër se Ali Pashaj, ku ai thjesht e ka restauruar atë duke i dhënë një kuptim në emër të dashurisë.

    NDËRTESA NË EMËR TË DASHURISË

     

    Kalaja “Foleja e Swallow”

    Një kështjellë neo-gotike, Kalaja “Foleja e Swallow” ndodhet 130 metra mbi ujërat e Detit të Zi. Dihet pak mbi historinë e kështjellës, e cila u ndërtua nga një fisnik gjerman në 1912. Sipas legjendës lokale, ai e vizitoi vendin në muajin e mjaltit, i cili në atë kohë ishte zënë nga një shtëpi e vogël prej druri, dhe vendosi që do të ishte më e përshtatshme të ndërtonte një kështjellë romantike që do të përdorej si një shtëpi pushimi personale e çiftit. Struktura e guximshme i ka rezistuar më së miri kohës, duke përfshirë dhe një tërmet në 1927.

    NDËRTESA NË EMËR TË DASHURISË

     

    Kalaja Boldt

    Kalaja Boldt, e vendosur në Heart Island në New York, në det të hapur, u porosit në 1900 nga George C. Boldt, një hotelier i pasur që e ndërtoi rezidencën si një simbol i dashurisë së madhe për gruan e tij, Louise. Vetëm katër vjet pasi filloi ndërtimi, Louise papritmas vdiq. I zemëruar, Boldt e ndërpreu punën në kështjellë dhe nuk u kthye më në ishull. Struktura e mrekullueshme mbeti një gërmadhë deri në vitin 1977, kur prona u mor nga Thousand Islands Bridge Authority, të cilët e rindërtuan kështjellën si  brenda dhe jashtë.

    NDËRTESA NË EMËR TË DASHURISË

     

    Taj Mahal

    Gjatë mbretërimit të tij 30-vjeçar në Indi, Perandori Shah Jahan pati shumë gra, por asnjëra nuk ishte aq e adhurueshme sa ajo e treta, Arjumand Banu Begum, e cilësuar zakonisht si Mumtāz Mahal, “stolia e dashur e pallatit”. Kur vdiq në 1631, Jahan punësoi një grup arkitektësh për të ndërtuar Taj Mahal në nder të saj. Kompleksi kryesor u përfundua në 1648, ndërsa ndërtesat përreth dhe kopshtet u mbaruan pesë vjet më vonë. Perandori nuk kurseu asnjë shpenzim për monumentin e ri ikonik: Më shumë se 20,000 skulptorë, kaligrafë dhe zejtarë u sollën në qytetin e Agras për të punuar mbi kryeveprën e veshur me mermer.

    NDËRTESA NË EMËR TË DASHURISË

     

    Kështjella Kellie

    Kjo ndërtesë gjigande në Batu Gajah, Malajzi, u krijua si një shtëpi familjare nga William Kellie Smith, me origjinë skoceze, për gruan e tij Agnes dhe familjen e tyre të re. Çifti u martua në fillim të viteve 1900 dhe u zhvendosën në Malajzi, ku William zotëronte një plantacion dhe bëri një pasuri të vogël. Legjenda thotë se Agnes ishte e pakënaqur me shtëpinë e tyre të vogël prej druri; për të kënaqur gruan e tij shtatzënë, William vendosi të ngrejë një kështjellë kodrinore, të ngjashme me ato që gjenden në vendin e tyre të lindjes. Kur William vdiq papritur në vitin 1926, planet për ndërtime të mëtejshme u ndërprenë dhe Kështjella Kellie u abandonua.

    NDËRTESA NË EMËR TË DASHURISË

     

    Source: architecturaldigest.com

    Të fundit

    Muratura

    Tharm Architects
    • Arkitekturë

    4M Office

    4M Group
    • Projekt interieri

    Industrial Office 88

    • Zyra
    Të rejat

    GROW: NJË HOMAZH I BUKURISË SË AGRIKULTURËS NGA DAAN ROOSEGAARDE

    01/03/2021

    NË VËMENDJE: MARCIO KOGAN

    24/02/2021

    PROJEKTIMI PARAMETRIK DHE APLIKIMI I TIJ NË INTERIER

    24/02/2021
    Punësim

    ARKITEKT

    • Full time

    ARKITEKT PROGRAMI & KOORDINATOR PROJEKTI

    • Full time

    ARKITEKT & VIZUALIZUES

    • +355 698903554
    • Full time

    Ju gjithashtu mund të jeni të interesuar në

    GROW: NJË HOMAZH I BUKURISË SË AGRIKULTURËS NGA DAAN ROOSEGAARDE

    01/03/2021

    NË VËMENDJE: MARCIO KOGAN

    24/02/2021

    PROJEKTIMI PARAMETRIK DHE APLIKIMI I TIJ NË INTERIER

    24/02/2021
    Rreth
    • Rreth nesh
    • Skuadra
    • T: +355 682079978
    • Kontakt
    Na Ndiqni
    • Facebook
    • Instagram
    • Linkedin
    Bëhu pjesë
    • Regjistrohuni si Arkitekt
    • Regjistohuni si Biznes
    • Rreth nesh
    • Skuadra
    • T: +355 682079978
    • Kontakt

    Shportë

      • Facebook
      • Twitter
      • WhatsApp
      • Telegram
      • Pinterest
      • LinkedIn
      • Tumblr
      • VKontakte
      • Mail
      • Copy link