Zyrat e Vas Group

Arkitektët e Studios “Katrori_B” kanë pasur një bashkëpunim të ngushtë, me përfaqësuesit e “Vas Group” në Tiranë, për të zhvilluar një koncept, që i përmbahej standardeve të koorporatës, duke krijuar një pamje dhe ndjesi unike për të përcjellë, stilin e nivelit të lartë të palës porositëse.

Me shumë kujdes, jane marrë në konsideratë kërkesat dhe nevojat e secilit department për t’u përmbushur, duke ruajtur fokusin në pamjen dhe funksionin e të gjithë ambjenteve, si një i vetëm.

Ngjyrat e çelëta, përdorimi i xhamit dhe i elementëve të holla e të zeza të vetratave, ndërthurur me panelet e arrës, kanë krijuar linja të pastra, me një rezultat të thjeshtë por funksional dhe shumë estetik.

Paretet transparente të ambjenteve dhe skema e lëvizjes në korridoret e brendshme, krijojnë kushtet e komunikimit dhe të bashkëpunimit, duke cuar kështu në rritje të produktivitetit te punes.

Zgjedhjet e mobiljeve për zyrat kolektive  “open space”, promovojnë një atmosferë moderne, por të rehatshme për punonjesit dhe klientët që vizitojnë hapësirën.

Ato jane fleksibël, jo statike, për t’iu përshtatur kushteve të reja të të punuarit pas pandemisë.

Në përputhje me kërkesat për një vend pune që stimulon kreativitetin, bashkëpunimin dhe komunikimin, duke reduktuar stresin dhe ankthin, janë dizenjuar ambjente zyrash ku spikasin ngjyrat e ndezura plot gjallëri, të kombinuara me linja të lakuara të mobiljeve dhe gjelbërim.