RIKUALIFIKIMI I ZONËS POST-INDUSTRIALE NË PORTIN E DURRËSIT

Historia 3000 vjeçare e qytetit të Durrësit ka qenë gjithmonë e lidhur me rëndësinë strategjike dhe ekonomike që vjen si rrjedhojë e pranisë së portit.

Ndërsa qyteti është zgjeruar ndër vite, porti është përshtatur vazhdimisht me funksione të ndryshme.

Dikur njihej më së shumti për aktivitetet e saj tregtare, ndërsa tani i dedikohet pasagjerëve dhe zhvillimit industrial.

Megjithatë, sot porti është kthyer në një shirit të izoluar.

Është i mbyllur brenda barrierave fizike (mund ta aksesoni atë vetëm duke blerë ose duke pasur karta të veçanta leje) si dhe ka një zonim të rreptë të aktiviteteve industriale. Aktualisht porti përbëhet nga 4 terminale (pasagjerë, mallra, kontejnerë, strehim). Kontakti i vetëm mes qytetarëve dhe portit është nëpërmjet terminalit të pasagjerëve.

Sipas PPV-së së Durrësit, një pjesë e aktiviteteve aktuale industriale do të zhvendoset në një zonë tjetër të qytetit (Porto Romano). Rrjedhimisht, zona ekzistuese post-industriale do të hapet për qytetarët. Gjithashtu, funksionet industriale do të rishpërndahen brenda zonës; hapësira e sapohapur do të rizhvillohet me aktivitete që mirëpresin vizitorët dhe gjithashtu thyejnë shiritin e izoluar që ndan detin nga qyteti.

Objekti kryesor i kësaj pjese të bregdetit do të jetë një akuarium publik, vendndodhja e të cilit do të përcaktohet nga analiza mbi kontekstin dhe studimi i flukseve që hyjnë në port. Flukset do të jenë një pikënisje për t'iu afruar zyrtarisht akuariumit. Akuariumi do të jetë pika lidhëse në një sistem që synon të krijojë një marrëdhënie të re midis detit dhe strukturës së qytetit.

Për më tepër, do të ketë funksione të reja për zonën: restorante përballë një porti të ri jahtesh dhe një treg peshku përballë një porti ekzistues peshku. E gjithë hapësira do të përshkohet nga shëtitoret e këmbësorëve, një shesh dhe dy shkallë për tu ulur me pamje nga deti.

Hulumtimi bazohet kryesisht në studime të rasteve aktuale, si dhe në artikuj dhe analiza të bëra mbi to. Një referencë e lidhur ngushtë me situatën e Durrësit është projekti i Porto Anticos në Genova. Durrësi dhe Genova janë të ngjashëm në: rëndësinë që kanë portet përkatëse në rajonet ku bëjnë pjesë; sfida e lidhjes së portit me qytetin duke integruar aktivitete miqësore ndaj qytetarëve në zonat industriale dhe gjithashtu në afërsinë që këto zona kanë me qendrat e tyre historike.