Objekt Shërbimi, Sarandë

I lartë katër kate, objekti i ri i zyrave dallon me vetëbesim nga ndërtesat heterogjene në zonën qendrore të qytetit të Sarandës.

Kjo ndërtesë është projektuar me funksion njësi tregtare në katin zero dhe tre katet e tjera, zyra shërbimi.

Nga ana arkitektonike objekti paraqitet si një kub i thjeshtë, i cili merr dinamikë nga ndërthurja në fasadë e materialeve të xhamit dhe alukobond-it.

Tre fasadat kryesore evidentohen në mënyrë të dallueshme nga xhami struktural i errët dhe veshja alukobond e bardhë, të cilat krijojnë edhe një kontrast të fortë.

Këto elementë e bëjnë ndërtesën një objekt me arkitekturë moderne bashkëkohore.