Lagjja e Artë 2

Shtëpitë klasifikohen në lloje dhe nëntipe të shumta bazuar në madhësinë dhe nivelin e tyre të rehatisë, ku tipi A është më komodi dhe tipi E është më pak i këndshëm, duke ofruar një gamë të gjerë opsionesh. Të gjitha shtëpitë janë të ndërtuara me lidhje vertikale, e cila e ndan përmbajtjen në dy grupe: akomodim/fjetje dhe ekonomike. Një zgjidhje planimetrike e këtij lloji mundësoi shtrirjen dhe lidhjen e duhur të hapësirave.

Përsa i përket shtrirjes, shtëpitë trajtohen si një e tërë, duke formuar kështu një siluetë dinamike por edhe simetrike dhe kontekstuale në të njëjtën kohë. Çatitë trajtohen si të pjerrëta, një dhe dy ujëse në varësi të efektit arkitektonik që synohet të arrihet, duke u përshtatur sa më mirë me klimën lokale. Një element karakteristik i kulturës vendase është aplikimi i gurit në katin përdhe, si një version i ri i shtëpive tradicionale por me pamje bashkëkohore. Ndërsa kati përdhe ofron stabilitet, kati i parë i trajtuar në të bardhë qëndron lehtësisht mbi të duke krijuar një fasadë minimale bashkëkohore.

Hapjet aplikohen në forma dhe përmasa të ndryshme, duke i dhënë çdo shtëpie karakteristikën e saj unike që e ndan nga pjesa tjetër, duke pasur të njëjtin vëllim.

Ngjyra, si një element i fuqishëm shprehës, është përdorur në këtë projekt për të theksuar hyrjet e çdo shtëpie, së bashku me murin karakteristik vertikal të hyrjes, duke prodhuar individualitet për çdo pronë.