PANTONE 17-5104 Gri + PANTONE 13-0647 e verdhë e ndritshme, dy ngjyra të pavarura që nxjerrin në pah mënyrën se si elementë të ndryshëm bashkohen për të mbështetur njëri-tjetrin, shprehin më së miri atmosferën e Ngjyrës Pantone të Vitit 2021. Praktik dhe i fortë, por në të njëjtën kohë i ngrohtë dhe optimist, bashkimi i PANTONE 17-5104 Ultimate Grey + PANTONE 13-0647 Illuminating përfaqëson fuqi dhe pozitivitet.
Një mesazh lumturie i mbështetur nga guximi, kombinimi i PANTONE 17-5104 Ultimate Grey + PANTONE 13-0647 Illuminating është frymëzues dhe na jep shpresë. Ne duhet ta ndjejmë se gjithçka do të bëhet më e ndritshme – kjo është thelbësore për shpirtin njerëzor.
Ndërsa njerëzit kërkojnë mënyra për të fituar energji, qartësi dhe shpresë për të kapërcyer pasigurinë e vazhdueshme, nuancat shpirtërore dhe të guximshme plotësojnë kërkimin tonë për gjallëri. PANTONE 13-0647 Illuminating është një ngjyrë e verdhë e ndritshme dhe plot gaz, një tonalitet i mbushur me energji diellore. PANTONE 17-5104 Ultimate Grey është simbolik e elementeve të qëndrueshëm dhe të besueshëm të cilët janë të përjetshëm dhe sigurojnë një themel të fortë. Ngjyrat e guralecave në plazh dhe elementët natyrorë pamja e të cilëve nxjerr në pah aftësinë për t’i rezistuar kohës, që grija mundëson, duke inkurajuar ndjenjat e qetësisë, qëndrueshmërisë dhe elasticitetit.
Source: pantone.com
