Kulla Rozë

Ndërtesa karakterizohet nga horizontaliteti – dritare dhe “lozha” dhe vertikaliteti – vëllime. Përmes hapjeve të mëdha horizontale në objekt, përveç ndriçimit maksimal, banorët mund të përjetojnë edhe pamjet e bukura të qytetit të Prishtinës.

Pjesë përbërëse e lozhës është detaji i gardhit me vazo gjelbërimi në çdo kat, i cili përveç horizontalitetit që i ofron objektit, i mundëson çdo familje të ketë kopshtin e vet në ballkon dhe ta përjetojë hapësirën në një mënyrë të ndryshme, duke qenë i rrethuar nga natyra dhe gjelbërimi.

Theksimi i vertikalitetit të ndërtesës arrihet përmes vëllimeve të larta, dhe për t'i bërë ato më tërheqëse, ne bëmë një kthesë të lehtë në vëllimin e sipërm, duke i dhënë ndërtesës një orientim të përshtatshëm, dinamizëm dhe një pamje unike.

Vëllimet janë “shkëputur” nga një kat i tërë, i cili është dedikuar si hapësirë ​​e përbashkët për banorët. Kjo zonë është bërë më e veçantë nga ngjyra dhe gjelbërimi i cili e pasuron ndërtesën me një ambient relaksues.

Për nga forma dhe materialet, kulla në tërësi ofron një imazh të fortë dhe të pastër. Materialet e përdorura janë të forta me forma të thjeshta dhe lehtësisht të aplikueshme.