Çerdhja 'Nëna Zahide'

'Nëna Zahide' është koncepti jonë për një çerdhe për fëmijët e qytetit me iniciativen e Komunës së Skënderajt. Nisur edhe nga vetë emërtimi, koncepti i projektit filloi me idenë që të krijonim një strehë ose një shtëpi për fëmijët.

Ky koncept u zhvillua duke filluar skicën e shtëpisë si çdo fëmijë, një katror me një trekëndësh dhe pastaj në varësi të terrenit u copëzua në disa module të ndryshme të ndara sipas funksionit dhe të lidhura nëpërmjet një urë transparente.

Kjo urë ose korridor transparent krijon mundësinë e rritjes së ndriçimit dhe ventilimit natyral, por gjithashtu jep mundësinë e soditjes së gjelbërimit përreth duke hequr monotoninë gjatë kalimit nga njëri modul në tjetrin.

Oborri mbrapa çerdhes ofron shumëllojshmëri të aktiviteteve të ndryshme në natyrë dhe është i konturuar nga një pistë vrapimi në miniaturë që rrethon oborrin si dhe përshkon vetë objektin.