Apartament ETC

Të kompozosh habitatin e dikujt është diçka e veçantë, thuajse filozofike. Ke të bësh gjithmonë me njerëzit që do t'i përdorin ato, ndaj dhe brendia e habitatit, si përherë, është një histori private, në limitet e intimitetit personal dhe qasja ndaj tij kërkon të përshkruajë dhe përshtatë individualitetin e banorëve.

Këtë herë na u dha mundsia të hynim në botën interesante të një familje të re, me shumë gusto dhe me një botë shumë tè bukur, ku me shumë kënaqësi ne ndamë realitetin e tyre me vizionin tonè. Rezultati i arrirë, organizimi i hapësirës së interierit nëpërmjet komunikimit direkt, u përcoll nga një proces, që në vetvete ishte më i rëndësishëm se vete rezultati.

E tashmja e projektuar shikon nga e adhmja dhe e gjitha tenton të reflektohet në brendësinë e interierit të përftuar. Një brendi bashkëkohore e cila duhet të përputhet në mënyrë të sinqertë edhe me një mënyrë jetese bashkëkohore. Këtë kemi pasur para sysh në këtë punë kreative gjatë kompozimit të projektit. Dhe ky kreativitet në vetvete nënkupton një kërkim të vazhdueshëm, duke eksperimentuar vazhdimisht për diçka të re.