Vilë te Kodra e Diellit

Ky projekt interesant kërkoi të transformojë brendinë e një vile ekzistuese, mes një kompleksi vilash e apartamentesh në Kodrën e Diellit në Tiranë. Sfida e projektit të rinovimit të vilës, edhe këtë herë, ishte përshtatja e brendisë së saj ekzistuese me kërkesat funksionale, e sidomos me personalitetin e banorëve të ardhshëm të saj.

E vendosur në një terren me reliev të pjerrët, e shtrirë në katër kate ajo gëzon një pamje panoramike, të cilës ju shtua edhe hapja kundrejt ambienteve intime në pjesën e pasme.

Rëndësi të veçantë ju kushtua ambienteve të ditës, me një trajtim hapësinor të bollshëm e me karakter,  ku u kombinua në mënyrë të personalizuar pjesa e gatimit dhe e ngrënies. Kjo zonë shërben si filtër midis dy ndenjeve, një në pjesën e brendshme dhe ndenjes në pjesën e jashtme, në bahçen e vogël.

Ky dualizëm hapësinor jashtë-brenda, ndjesinë e lidhjes integrale midis tyre e kryen nga transparenca e vetratës së madhe rrëshqitëse, e cila lejon lidhjen e këtyre dy botëve. Ajo shërbeu edhe për të orientuar tashmë edhe fokusin e banorëve të saj gjatë përjetimit të ambienteve.

Plani i katit përdhe

Plani i katit të parë

Plani i katit të dytë

Plani i katit nëntokë