STUDIO DENTARE FANI

Koncepti i klinikës dentare është një rezultat i përshkrimit dhe i kërkesës nga të dy klientët, që të ketë një hapësirë që do të ishte një interpretim modern i një stili neo-klasik me disa tipare të dizajnit suedez. Synimi dhe sfida, ishte që të organizonim hapësirën e vogël që kishim, sa më shumë të mundnim, në mënyrë që të ishte shumë funksionale dhe në të njëjtën kohë të transmetonim një ndjenjë delikatese, ëmbëlsie dhe lehtësie.

Ne u kujdesëm për disa elementë të rëndësishëm të markës së klinikës dentare, në mënyrë që të përshtaten me të gjithë atmosferën e brendshme. Logoja është një abstraksion i dy elementeve të njohur në Stomatologji, pasqyra e dentistit dhe pambuku, i fundit është gjithashtu simbol i pastërtisë dhe delikatesës në vetvete.

Të gjitha mobiljet janë dizajnuar dhe përshtatur posaçërisht për hapësirën dhe mënyra e trajtimit të tyre, për sa i përket ngjyrave të përdorura dhe dizajnit, është bërë për të theksuar sa më shumë dritën e pasur natyrale të hapësirës.