LE NOIR

Objekti ndodhet në kryqëzimin mes Rrugës së Kavajës & Rrugës së Bogdanëve. Është një ndërtesë ekzistuese, dy katëshe, e cila për momentin ka funksione mikse. Projekti i plotë parashikon një restorant në katin përdhe dhe hoteleri në katin sipër.

Hyrja e restorantit është në këndin jug-perëndimor të objektit. Materialet bazë të përdorura janë tulla e druri për të krijuar një ambient sa më të ngrohtë. Është shfrytëzuar fakti që në katin përdhe hapjet janë të mëdha dhe kanë marrëdhënie me hapësirën e jashtme. Shumica e tavolinave janë vendosur pranë vetratave, por ka edhe hapësira më private me atmosfera të ndryshme.