Shtëpia 2B

Shtëpia 2B ndodhet afër rrethit historik të Komunës së Çairit në qytetin e Shkupit, midis Pazarit të Vjetër dhe Kalasë së Shkupit. Është një nga katër shtëpitë e bashkëngjitura të vendosura në një kontekst intensiv urban. Shtëpia është ndërtuar në vitet ‘60 të shekullit të kaluar, me pamje të qartë moderniste dhe modeste. Fatkeqësisht, objekti ekzistues ishte në një gjendje të degraduar.

Të katër shtëpitë u ndërtuan të gjitha menjëherë, me një sistem të përbashkët konstruktiv, që do të thoshte se çdo ndërhyrje fizike ishte jashtëzakonisht e komplikuar. Sidoqoftë, me metoda të ndryshme e të sigurta, ishte e mundur që shtëpia të rinovohej pa shkaktuar ndonjë dëm për fqinjët. Logjika strukturore e shtëpisë u mbajt, megjithëse u bënë përforcime në elementët mbajtës të konstruksionit, të tilla si kolonat kryesore, muret dhe të gjitha pllakat. Përveç kësaj, u shtua një sistem konstruksiv prej çeliku për të mbështetur zgjerimet në anën e pasme të shtëpisë dhe çatisë.

Të gjitha hapjet u rishikuan dhe u shtuan të reja, në mënyrë që të sillnin më shumë dritë brenda. Bodrumi, dikur përdorej vetëm për magazinim, tani strehon një dhomë të madhe ndenjeje dhe një dhomë ngrënie të kompletuar me kuzhinë në kontakt të drejtpërdrejtë me oborrin e shtëpisë. Një dhomë gjumi e re master shtohet në çati, me akses në dy tarraca të mëdha me pamje të zgjeruar mbi pazarin e vjetër dhe peizazhin e qytetit të Shkupit.

Meqenëse ndërhyrja ishte shumë e dukshme dhe mbizotëruese, një veshje e re mbështjell shtëpinë. Kjo shtresë krijon nivele të reja interpretimi, kontroll të ri të mikroklimës dhe lë të lexueshme sintaksën e mëparshme arkitektonike.

Kjo qasje përfaqëson një recetë të mundshme për ringjalljen e trashëgimisë së pasur arkitekturore moderniste të Shkupit.