Atelié Gjyms’Hana

Atelié Gjyms’Hana

Në këtë intervistë të realizuar me Anën, arkitekte dhe themeluese e Gjyms’Hana Atelié, ju sjellim historinë e krijimit të kësaj sipërmarrje të re që sjell për herë të parë në Shqipëri, një shërbim holistik të produkteve arkitekturore përsa i përket interior dhe exterior design. Një risi e veçantë që kjo sipërmarrje sjell është angazhimi i arkitektëve të rinj në implementimin e interior design, ndërkohë që janë ende në bankat e shkollës, duke ua lehtësuar kështu përballjen me tregun e punës, dhe gjithashtu duke rritur profesionalizmin mes brezit të ri të arkitektëve.

Pse u krjiua Atelie Gjyms’Hana?

Pas eksperiencës dy-vjeçare në Prishtinë si menaxhere dhe arkitekte e një showroom-i, vendosa që hapi tjetër i karrierës sime do të ishte një sipërmarrje personale. Eksperienca e gjatë në fushë, më bënte të njohur dhe me mungesat e tregut. Në një ritëm kaq të shpejt saç jetohet në ditën e sotme, kemi nevojë për biznese që na japin zgjidhje duke na shkurtuar kohë. Këtë bën Gjyms’Hana. Duke i mbledhur çdo gjë ka lidhje me interior design, në një vend të vetëm. Siç e thotë edhe slogani, Foleja juaj nga A në Z.

Është një showroom apo studio projektimi?

Ështe një showroom që mes të gjithave ofron (në 6muajt e parë, si promo, falas) edhe shërbimin e arkitektit. Mund të themi që është një bashkim i të dyjave, pra mbledh arkitektët, ose siç i quaj unë, doktorët e hapësirave, me produktin, dhe jep rezultat final të plotë dhe të mirëmbikëqyrur.

Cila është e veçanta e saj?

Atelié Gjyms’Hana është biznes besimi dhe shpirti.
Ajo ofron një shërbim  holistik përsa i përket interior dhe exterior design. Nëpërmjet  simbiozës së produktit vendas dhe importit të huaj, ofron shërbime dhe produkte arkitekturore, duke plotesuar  të  gjitha kërkesat  për  ata që  janë  në  kërkim  të zgjidhjeve arkitektonike.

Një risi e veçantë që kjo sipërmarrje sjell është angazhimi i arkitektëve të rinj në implementimin e interior design, ndërkohë që janë ende në bankat e shkollës,  duke ua lehtësuar kështu përballjen me tregun e punës,dhe gjithashtu duke rritur profesionalizmin mes brezit të ri të arkitektëve.

Shkurton kohë për arkitektët dhe klientët duke dhënë zgjidhje optimale dhe jep shumë mundësi për arkitektët e rinj.

Si i gjeni bashkëpunëtorët dhe si është procesi i krijimit të produkteve?

Kam zgjedhur të bashkëpunoj me kompanitë me të cilat kam punuar, pikërisht për shkak të kredibilitetit në cilësinë e produkteve të tyre.
Për sa i përket produkteve, ata janë nga referenca botërore, ose të dizajnuar nga unë. Jo pa qëllim janë zgjedhur elitarët e tregut dhe prodhimit shqiptar, por mbetet gjithnjë e hapur mundësia edhe për mallrat e importit, kryesisht Italian.

Ku mundet t’ju gjejnë klientët dhe arkitektët?

Atelie-ja ka një vendndodhje shumë të përshtatshme për të gjithë. Ndodhet në qendër të Tiranës, përballë ish-Ekspozitës, pranë tregut të fruta-perimeve, ku mund të dalloni dhe fasadën e Gjyms’Hana.

Si e shihni të ardhmen e Gjyms’Hana Atelie?

Pas këtij filiali në qendër të Tiranës, me rritjen e Gjyms’Hana, po planifikojmë zgjerimin e Gjyms’Hana në kryeqytetin e dytë, Prishtinë.

post a comment

Wordpress Social Share Plugin powered by Ultimatelysocial