VENERA MUSTAFA STUDIO/SHOWROOM

Venera Mustafa është një stiliste vendase, studio e së cilës ndodhet në qytetin e Prishtinës, Kosovë.
Më parë, marka ishte në dy lokacione, njëra përfshinte sallën e ekspozitës / butikun, ndërsa tjetra, hapësirën e punës. Vendndodhja e re i përfshin të dyja në një: Studio dhe Showroom.

Sfida jonë ishte të shfaqnim karakterin e papërpunuar dhe urban të markës së bashku me detajet e ngrohta dhe të veçanta. 120 m2 u ndanë në përpjesëtim me hapësirën e punës që zë 60% të sipërfaqes, ndërsa butiku zë 40%.

Fasada e studios përballet me diellin, i cili siguron shumë dritë natyrale gjatë ditës, duke e bërë hapësirën e punës një ambient të qetë. Butiku, nga ana tjetër, ofron një ekspozim të përsosur për publikun.

Këto dy zona u ndanë me një panel OSB në formë zig-zag, për të parandaluar zhurmën që vinte nga zona e punës. Ky panel gjithashtu vepron si një sfond i mirë ku varëse metalike zgjaten nga tavani, duke i dhënë vëmendje të plotë rrobave. Gjatë procesit të punës, qëllimi ynë ishte të përdornim materiale me kosto të ulët. Tavani prej betoni të ekspozuar, dyshemeja epoksi, panelet OSB dhe fasada e xhamit krijojnë një kompozim të ngrohtë dhe të ekuilibruar.

rreth POSTARCH

Postarch është një ekip dizajnerësh dhe mendimtarësh strategjikë, me qendër në Prishtinë, Kosovë. Puna jonë ka tendencë të ofrojë shumë shërbime, kështu që ne praktikojmë dizajn strategjik, arkitektonik, të brendshëm, grafik, produkti, mobiljesh dhe dizajn dixhital.

Ne besojmë se mund ta sjellim të bukurën përmes strukturave ekspresive, materialeve të pavdekshme dhe detajeve të kuruara me kujdes. Ne përqëndrohemi në hapësira të mëdha të mbushura me dritë, duke ndier një lidhje të fortë me vendin dhe peizazhin. Një qasje moderne bashkëkohore në projektim, e cila artikulohet si respektim i kushteve ekzistuese të vendeve, e kombinuar me një mënyrë krijuese për të gjetur zgjidhje që plotësojnë nevojat e klientit.