SHTËPIA NË KODËR

Që nga fillimi i projektit, ajo që ishte e rëndësishme për studion ishte të projektonin një vilë që duhej të kontekstualizohej me zonën në mënyrë që shtëpia të shtrihej dhe të vendosej brenda kufijve të saj.

Duke integruar shtëpinë me terrenin dhe duke trajtuar detajet të cilët rrisin cilësinë e mjedisit, ky dizajn i pozicionuar dhe i zhvilluar me kujdes krijon një ambjent të jashtëm të kuruar në një territor sfidues.

Projekti u ndikua nga arkitektura e vilave të panumërta që gjenden në vijën bregdetare të Ulqinit. “Shtëpia në Kodër” nisi me forma të pastra gjeometrike dhe më pas u manipulua dhe modernizua për të përfituar nga pamjet mbreslënëse që ofronte deti.

Shtëpia është krijuar për të siguruar “një larmi përvojash të ndryshme” që lejojnë pronarët të përdorin në mënyrë maksimale ambjentet e jashtme, si dhe ato të brendshme.

Hill House ruan linjën dhe lartësinë urbane të zonës në mënyrë që të shfrytëzojë çdo pamje që ofron deti.

Dritaret tipike mesdhetare të bardha, të pastra kontribuojnë në estetikën e relaksuar dhe të guximshme të kontekstit.

Përzgjedhja e materialeve, e cila gjithashtu përfshin gurin vendas, i siguron shtëpisë një karakter të veçantë që do t’i rezistojë kohës.