INTERIOR DESIGN I VILA TIRANA

Studio Marco Piva, së bashku me arkitektët vendas të EGO Architecture nga Egest Goxhaj, kanë kuruar dizajnin e brendshëm të një vile, të vendosur në zemër të zonës së re të banimit të njohur si “Rolling Hills Luxury Residences”, e përbërë nga 122 vila luksoze të vendosura në kodrat e gjelbërta në jug-lindje të Tiranës.

Rezultati i projektit pasqyron stilin e matur, por elegant dhe të rafinuar  të Studio Marco Piva dhe EGO Architecture nga Egest Goxhaj & Partnerët, të karakterizuar nga një luks i mirëfilltë i shprehur përmes mobiljeve dhe detajeve të finiturave.

Qëllimi i projektit ka qenë të krijojë hapësira komode, të këndshme, pjesërisht spektakolare, por gjithashtu estetikisht moderne, të afta të përshtaten, mbi të gjitha, me përvojën e përditshme të njerëzve që jetojnë atje.

Klienti i ka besuar absolutisht zgjedhjeve të arkitektëve, duke rizbuluar marrëdhënien e bazuar në besim me projektuesin profesionist, që shpesh mungon në ditët tona.
“Rezultati i projektit ka kënaqur të dyja palët: para së gjithash, klientin, dhe pastaj ne, pasi kemi hartuar një projekt me të cilin identifikohemi. Në lidhje me zgjedhjet që kemi bërë, e gjithë atmosfera është zhvilluar në bazë të disa elementëve arkitektonik dhe territorial,  të cilët na kanë pëlqyer shumë “.

Vila është e rrethuar nga një mjedis natyral i paprekur, i cili nuk ofron ndonjë infrastrukturë apo arkitekturë që bie në sy, duke e kthyer çdo pamje të jashtme që duket nga shtëpia në një pikturë.

Në fakt, megjithëse janë pjesë e një kompleksi, shumica e fasadave të shtëpive kanë një pamje vizuale të madhe, duke sugjeruar përdorimin e formave dhe ngjyrave të caktuara kromatike, të cilat tërheqin natyrën e zonës në periudha të ndryshme të vitit, në një lloj përpjekje për të kapur një pjesë të peizazhit dhe për ta sjellë atë brenda vilës.