ILIRIA BOUTIQUE HOTEL

Iliria Boutique Hotel nga Loft Architects është një ndërtesë me 4 kate e përbërë prej 18 dhomash. Me vendndodhje në qendër të Tiranës, hoteli prezanton një botë ku çdo klient ndihet i mirëpritur.

Hoteli përfshin:

• Sallë Konferencash, Kati -1
• Bar dhe Restorant “Serafina”, Kati 0
• Hyrja e hotelit, Recepsioni, Ambient pritje, Kati 0
• Administrata dhe Sallë mbledhjesh, Kati 1
• 18 Dhoma Standarte dhe Superior, Kati 2, 3, 4

“Qëllimi jonë në dizajnimin e interierit ishte të krijonim një tension ndërmjet ngurtësisë së objektit dhe ngrohtësisë së ngjyrave. Në të gjithë hotelin kemi krijuar një paletë individuale të ngjyrave të ngrohta si tek materialet ashtu edhe në tekstura ku, në kombinim me dritën natyrale, të re­flektohej një atmosferë relaksi.”

Përpara se projekti të fillonte, objekti kishte një shpërndarje të komplikuar të funksioneve dhe jo të mirë organizuar, kryqëzim fluksesh, keqfunksionim të shërbimeve, një ambient i amortizuar. Duke e zhveshur objektin nga cdo ornament jofunksional, detyra jonë e parë ishte shpëndarja e shërbimeve që klienti kërkonte të ofronte, bazuar në mundësitë që struktura e objektit na lejonte të ndërhynim.

Që në hyrje të tij, Holli, të përfshin në këtë lojë ngjyrash, të ndërthurura në kombinimin e stilit neoklasik ekzistues të godinës, e rifreskuar me një design kontemporan, retro…
Ndërhyrjet në planimetri kanë qenë themelore, duke analizuar çdo barrierë arkitektonike të strukturës për t’i risjellë si elemente dizajni në interier.

Procesi jonë krijues  kishte në thelb krijimin e një eksperience ku qëndrimi në një hotel urban i përngjason më shumë një ambienti më shumë familjarë, të rehatshëm dhe të ngrohtë.

Gjatë këtij procesi, ndjeshmëria jonë ndaj dritës natyrale, elegancës dhe qëndrimit minimal në dizajnin e detajeve ishte thelbësor në krijimin e karakterit të hapësirës.

Salla e konferencës

Salla e konferencës prezanton një stil minimalist ku ngrohtësia e ngjyrës së salmonit ndërthuret në harmoni me rigjiditetin e betonit, duke krijuar një ambient mikpritës, shoqëror dhe zyrtar në të njëjtën kohë.

Dhoma standarde

Me një kontur strukturor gati të përcaktuar, sfida jonë tek dizajnimi i dhomës tip është të krijojmë një hapësirë ku ky rigjiditet të perceptohet sa më pak, duke e amplifikuar nëpërmjet toneve natyrale Dritën.