ART NOUVEAU NË INTERIOR DESIGN

Stili Art Nouveau u shfaq për herë të parë në Londër dhe Paris, drejt fundit të Shekullit 19 dhe fillimit të Shekullit 20. Ndërsa zhvillohej nëpër Evropë, lëvizja Art Nouveau kaloi nëpër disa faza dhe mori emra të ndryshëm:

Në Francë u quajt “Style Moderne” dhe “Style Nouille”,
“Jugendstil” në Gjermani,
“Sezessionsstil” në Austri,
“Stile Liberty” në Itali,
“Arte Noven” ose “Modernismo” në Spanjë,
“Glasgow Style” në Skoci.

art nouveau

Kur lulëzuan metodat e reja të ndërtimit, projektuesit u përpoqën të humanizonin struktura tepër të larta, në formë kutie, duke përdorur motive dekorative që sugjeronin botën natyrore; ata besonin se bukuria më e madhe mund të gjendej në natyrë. Një nga shembujt më të mirë të këtij stili mund të gjendet në botën e arkitekturës. e jashtëzakonshmja e Gaudit ‘Casa Batlló’.

Lëvizja synonte të përfshinte artin në jetën e përditshme, në mënyrë që të ishte i pranishëm edhe në objektet më praktike. Ajo erdhi si një reagim estetik ndaj stileve më tradicionale artistike e dekorative të epokës. Art Nouveau dallohej për modelet me lule, linjat organike, dizajnet lineare dhe siluetat elegante, ndër karakteristikave të tjera. Estetika e hollësishme ishte e përhapur në një sërë disiplinash, duke përfshirë mobiljet, arkitekturën, artin figurativ, qeramikën dhe enët e qelqit.

Karakteristika të stilit ‘Art Nouveau’

Kërkoni për bukurinë. Bukuria është parësore, madje edhe në objektet më të thjeshta ose të zakonshme, të cilat idealisht duhet të jenë të bëra me dorë (handmade). Ato duhet të jenë të dobishme e të përdorshme, por gjithashtu, të paraqesin një pamje të kujdesshme dhe “korrekte”.
Frymëzimi në natyrë. Në këtë stil do të gjeni përdorimin e përsëritur të motiveve me lule, bimë dhe kafshë si: dragonj, flutura, pilivesa dhe pallonj, detaje të cilat mund ta aplikohen në të gjitha llojet e mobiljeve dhe objekteve. Përveç kësaj, gjithmonë mund të vendosni bimë të larmishme për të theksuar dashurinë për natyrën.
Linjat. Në përgjithësi, linjat në stilin e Art Nouveau janë asimetrike ose të lakuara, duke imituar bimët. Kornizat e dyerve dhe dritareve gjithashtu mund të jenë të lakuara, edhe nëse nuk janë prej druri.
Ekzotizmi dhe erotizmi. Disa pjesë të stilit Art Nouveau janë krejt origjinale, ndërsa të tjerat janë huazuar nga kultura të tjera, të tilla si nga Japonezët. Përveç kësaj, ky stil përdor erotizëm dhe një prekje të sensualitetit.
Figurat femërore. Ky stil ka një marrëdhënie të ngushtë me idetë e erotizmit dhe sensualitetit. Mendoni për figura delikate me fytyra dhe linja të bukura e flokë të valëzuar.
Ngjyrat. Ngjyrat duhet të jenë disi të mbyllura, si: kafe, mustardë, ngjyra jeshile. Është gjithashtu e zakonshme të shohim edhe përdorimin e të bardhës, blu elektrike dhe ari.
Xhamat me ngjyra. Janë shumë karakteristike dhe lejojnë një sasi më të madhe drite në dhomë. Ato mund të zëvendësojnë muret e errëta dhe janë zgjidhja perfekte nëse ju pëlqejnë hapësirat e qarta dhe të ndritshme.
Materialet. Materialet janë kryesisht prej druri, qelqi, çeliku dhe hekuri.

Dekoroni shtëpinë tuaj në ‘Art Nouveau’

Ballorja e krevatit të dhomës tuaj të gjumit. Zgjidhni një ballore me një model që ju kujton një bimë me linja organike, gjethe ose lule të vogla.

Dyshemeja. Disa pllaka janë shumë të dukshme dhe origjinale. Gjeni pllaka që kanë një dizajn me lule ose gjethe.

Mobiljet. Zgjidhni mobilje me linja të ndërlikuara e të lakuara. Në rastin e karrigeve, një model me pjesën mbështetëse në formën e një gjetheje ose lule do të dalë në pah. Përveç kësaj, kjo mobilje nuk duhet të jetë simetrike. Këmbët duhet të jenë të lakuara dhe të holla. Ato mund të jenë të veshura me gamën e ngjyrave bazë si kafe, e verdhë, etj.

Muret. Përdorimi i letrës murale është shumë i popullarizuar në Art Nouveau, veçanërisht me modele që përbëhen nga lule, gjethe, pilivesa ose pupla palloi.

Dyer dhe dritare. Është shumë e zakonshme të shohësh dyer dhe dritare të lakuara, veçanërisht në formë harku. Në të dy rastet, mund të konsideroni të shtoni qelq me ngjyra që do të zinin të gjithë sipërfaqen e disponueshme. Shpesh shohim xhama të zbukuruar me lule shumëngjyrëshe, pemë, figura femerore ose zogj të vegjël.

Aksesorë. Aksesorë të tillë si vazo dhe tasa të bëra prej qelqi me ngjyrë ose vazo prej porcelani , janë zgjedhje të njohura në këtë stil. Përveç kësaj, gjithashtu mund të përdorni piktura të piktorëve nga kjo periudhë, të tilla si Alphonse Mucha ose vjenezit Gustav Klimt.

Pasqyra. Pasqyrat nuk kanë pse të jenë plotësisht simetrike. Mund t’i zgjedhim me korniza që përmbajnë motive florale ose me figura që janë përgjithësisht femërore.