APARTAMENTI I GJERGJIT

Projektimi i një apartamenti për dikë është diçka shumë e veçantë dhe intime, duke bërë që klientët tanë dhe ne, në çdo rast, të bëhemi miq shumë të mirë në fund. Kjo gjë ndodhi edhe me pronarët e këtij apartamenti, të cilët na zgjodhën për të dizajnuar investimim e tyre më të madh në jetë, pasi panë se si ne kishim transformuar më parë banesën e mikut të tyre.

Megjithëse vizioni i tyre për dizajnin ishte krejtësisht i ndryshëm nga ai që imagjinonim ne, ata e kuptuan që ne ishim zgjidhja e duhur që nga fillimi.
Plani i apartamentit nuk kishte nevojë për ndryshim, dhe për më tepër kishte shumë dritë natyrale pasi i gjithë apartamenti është i orientuar drejt jugut.

Vizioni ynë ishte të luanim me ngjyra të ngrohta neutrale, të fuqizonim elementin e ndriçimit dhe ta mbushnim shtëpinë me dritë, e cila ishte fantastike, pasi ndriçimi është një nga elementët më të rëndësishëm për ne.
Drita natyrale bën që gjithçka të vijë në jetë.

Pronarët e apartamentit thonë: «Ju i keni dhënë ajër dhe dritë shtëpisë tonë. Sa herë që kthehemi në shtëpi pas një dite të lodhshme dhe stresuese, ndihemi të qetë dhe të lumtur në hapësirën tonë të re. Tensioni zhduket menjëherë.”